Гранд Повер Майнинг ХХК
2012 оны 9 сараас эхлэн Гранд Повер Майнинг компаний инженер, техникийн баг Австралийн хөрөнгө оруулалттай Терра Энержи компанитай хамтран Өмнөговь аймгийн Ноён суман дахь Баруун ноён уул нүүрсний уурхайн төсөлд хөрс хуулалт, нүүрс олборлолт, инженерингийн үйлчилгээг 5 жилийн хугацаанд үзүүлэх гэрээг байгуулан төслийг хамтран хэрэгжүүлж байна. Төсөл хэрэгжиж эхэлсэнээс хойш эрүүл ахуй, хөдөлмөрийн аюулгүй байдлыг дэлхийн жишигт нийцүүлэн хүн, байгаль орчинд сөрөг нөлөөлөл багатай технологийн дэвшлийг ашиглан ажиллаж, одоогоор нийт 3.5 сая метр куб орчим хөрс хуулалт, 100 мянган тонн орчим нүүрс олборлолтын ажлыг гүйцэтгээд байгаа бөгөөд эхний ээлжинд 8000 тонн нүүрсийг туршилтын журмаар экспортонд гаргах ажлыг 2014 оны 8 сард эхлүүлээд байна.